Martxoaren 31tik apirilaren 30era bitartean, Karmelitak Amorebieta-Etxanoren 75 urteko historia oroitarazten duen erakusketa berezia izango da ikusgai Zelaieta Zentroan. Argazki bilduma baten bidez, erakusketa honek ‘Ntra. Sra del Carmen’gisahasi zenetik gaur egun arte ikastetxeak izan duen bilakaera erakusten du, komunitatean duen eginkizuna eta hezkuntza integralarekiko duen konpromisoa nabarmenduz.

Erakusketak aldaketa pedagogikoak, ikasleen esperientziak eta hezkuntzak zornotzarren hainbat belaunalditan izan duen eragina islatzen ditu. Gainera, 75. urteurrena ospatzeko antolatutako ekitaldien osagarri gisa balio du, hala nola, martxoan egindako ekitaldi instituzionala eta ikastetxearen ibilbidean giltzarri izan diren pertsonen testigantzak biltzen dituen dokumentala, hemen ikus daitekeena.

Erakusketa bisitatzen dutenek gertutik ezagutu ahal izango dituzte ikastetxearen eraldaketa, bere hezkuntza-lana gidatu duten balioak eta zazpi hamarkada eta erdi hauetan udalerrian utzi duen arrastoa.