Normalkuntza

HELBURUA:
Hezkuntza Alkarteko kideen euskeraganako motibazioa eta erabilera sustatzea.
 
Leloa: “Da da da geurea Euskera da”.
 
Karmengo Amak eta bere Hezkuntza Alkarteak euskerearen erabilera sustatzeko, ezagutarazteko, sentiarazteko eta euskal kultura maitarazteko urteetan zehar egindako lanaren bilakaerea Ulibarri Proiektua eta “Urteko Plana” ren baeb¡nean biltzen dira, ikasturtean zehar garatu eta neurtuko dan plan zehatza.
 
Bereziki landuko dogun gaia: ahozkotasuna (kantitatea eta kalitatea). 
 
2013an Euskeraren kalitatezko ziurtagiria lortu gendun Urrezko BIKAIN, baina hobetzen jarraitu nahi dogu eta horretarako UME, GAZTE ETA HELDUAKAZ EUSKERAZ HITZEGITERA ANIMATU NAHI ZAITUEGU. Zuen laguntza ezinbestekoa dogu. 
 

HELBURU ESTRATEGIKOAK:

Gure hizkuntza eta kultura bultzatzea.

Ikasleriaren gaitasun linguistikoen hobekuntza.

Beste alde batetik, Amorebieta=Etxanoko udalagaz, euskera biziberritzeko planean helburua hau bera barneratzen daualarik, alkarregaz dihardugu lanean, AMETX erakundeagaz eta herriko beste eskolakaz ere, euren artean EUSKARALDIA.

Normalkuntza Planak proposatzen dituan ekintza batzuk honeek dira:

  • IRRATIGINTZA
    Ahozko hizkuntza lantzeko errekurtso lez Karmengo Ama Ikastetxeal emiosore propioa dauka (FM 108.0)
     
  • ANTZERKIGINTZA
    Ikasleek antzezlanak beste ikasle batzuei eskeintzen deutsiez eta baita herrikol beste ikastetxeetako ikasleei, familiei,... Batzuk Zornotza Aretoan ere zabaldu dira.
     
  • BERTSOGINTZA
    AMETX erakundeak bultzatuta LHko 6. mailan Bertsozale Elkarteak proposatutako Programa garatzen dogu. Ekintza honek “Bertsogintzaren inguruan” beste ikastetxeakaz garatutako ekintzak errezten ditu, batzuk familiei zabalduta ere.
     
  • EUSKERA ETA EUSKAL KULTURAREN ASTEA
    Hainbat ekintza batzen dira aste honetan, asko eta asko ikasturtean zehar garatuta eta ikusgai ipinten direnak.
    Ikuspuntu zabala dauka aste honek, alkarlana eta familiei zabaldutako proposamenak garatzen direlarik (tanborrada, erromeria,...), azken baten Hezkuntza Alkartean euskeraz bizitzeko aukerak.
    Guztietan IPIXKI dogu babesle eta laguntzaile, “Euskeraren suspertzailea” eta baita Ikasle Batzordea (LHko 6. mailatik gora), helburuak garatzen laguntzen dauan taldea.