Karmengo Amak hezkuntza ekintzan, konpromisoarekin eta modu eraginkorrean familia, giza eta talde giroan eragiteko gai diren pertsonak hezten ditu. Horregatik, ikastetxeak bere proposamen pedagogikoa bultzatzen duten 'Ikaskuntza eta Zerbitzu Solidarioa' bezalako proiektuak jartzen ditu abian.

Oraingo honetan, DBH 4. mailako ikasleak Nafarroa Zentroan izan dira beraien denbora adinekoekin partekatzen. Horrela, karta eta domino partidak partekatzeaz gain, solasaldi luzeak ere disfrutatu dituzte.

Horrelako esperientziei esker, Karmengo Amako ikasleek elkartasun jarrera sendoak hartzen dituzte, bizitzako hurrengo etapa eta esparruetan gidatuko dituztenak.