Karmelitak DBH 2. mailak "Take Action" programari ekin dio, Amorebieta-Etxanoko Udalak, Educalia eta Coach & Playrekin elkarlanean abian jarritako programa. Ekimen honen helburua da herritarren parte-hartzea sustatzea eta nerabeak sentsibilizatzea 2030 Agendaren eta Garapen Jasangarriko Helburuen (GJH) garrantziaren inguruan.

Hiru saiotan zehar (8 ordu guztira), ikasleek udal erronkei aurre egin behar diete esperientzian eta jolasean oinarritutako metodologien bidez. Askotariko rolak bereganatuz, tokiko arazoak konpontzen laguntzen dute, eta jasangarritasuna eta ongizatea sustatzen dute beren komunitatean. Prozesu horrek gizarte-ehuna indartu eta erabakiak hartzea hobetzeaz gain, aldaketa positiboko eragile gisa ere ahalduntzen ditu gazteak.