Aurten ere, Karmengo Ama Ikastetxeak Gabonekin zerikusia duten jarduerak sustatu ditu Gabon postalen lehiaketa antolatuz, ikastetxeko ikasle guztien parte-hartzearekin.

Ikastetxeak ilusio handiz bizi du urte sasoi hau, eta, horregatik, Gabonetako gaiak lantzen dituzten beste jarduera batzuk ere egiten dituzte, hala nola, Santa Clausen aurpegiarekin karetak margotzea ingeleseko eskoletan, gabon kantak abestea eta dantzatzea, edota denen artean jaiotza margotzea eta muntatzea.

Oraingoan, Gabonetako postalen irabazleak hauek izan dira: Paul Elezkano, 5 urteko gela; Ibai Dominguez, Lehen Hezkuntza 3. maila; Maialen Gascon, Lehen Hezkuntza 4. maila; eta Alain Villardón, DBH 1.

Karmengo Ama Ikastetxetik gure artista guztiek egindako lan bikaina zoriondu nahi dugu.