Beste urte batez, Karmengo Ama Ikastetxeak jaiak ospatu ditu ilusioz eta giro bikainarekin. Hainbat ekintza burutu ditugu hezkuntza komunitatearen partaide guztion parte-hartzearekin: kirol jardunaldiak, denda solidarioa, gimnasia erritmikoko emanaldia, jolasak…

Berrikuntza, ikastetxearen funtsezko oinarria, protagonista izan da ere Eskola Egunean. Ikasleek, adibidez, ikuskizun zientifiko batez (MAD SCIENCE) gozatzeko aukera izan zuten. Helburua zientzia mundua umeei eta gazteei hurbiltzea da, modu ludiko eta parte-hartzailean.

Elkartasuna eta inklusibitatea

Gozatzeaz gain, ikastetxearen jaiak funtsezko unea izan dira ere ikastetxeak egunero lantzen dituen baloreak praktikan jartzeko. Karmengo Ama Ikastetxeak AIDAE-ren (Desgaitasuna duten Pertsonak Integratzeko Amorebieta-Etxanoko Elkartea) parte-hartzea izan zuen, eta hainbat dinamika burutu ziren elkartasuna eta inklusibitatea bultzatzeko.

Horrela, jaiak ospakizun une polita bihurtu dira Karmengo Ama Ikastetxearen baloreak bizitzeko. Ikastetxe honek beti ditu ateak zabalik guztiontzat.